Kryeministri i Kosovës, Isa Mustafa, ka bërë homazhe të shtunën në Koshare, në ditën kur shënohet 17 vjetori i një beteje të rëndësishme që Ushtria Çlirimtare e Kosovës ka bërë në këtë vend.

Mustafa ka thënë se dëshmorët e Koshares u flijuan për të ardhmen e lirë të Kosovës.

“Ne si qytetarë dhe si institucione të Republikës së Kosovës, ua kemi borxh atyre të punojmë me tërë dijen dhe me tërë përkushtimin tonë për të jetësuar ëndrrat dhe idealet e tyre, Kosovën e integruar në familjen e madhe të kombeve të lira dhe qytetëruara euroatlantike,” ka shkruar Mustafa në llogarinë e tij në Facebook.

Më herët gjatë ditës, presidenti i Kosovës, Hashim Thaçi, ka thënë se beteja e Koshares është një nga më të rëndësishmet të UÇK-së./Insajderi.com