Ministria e Infrastrukturës ka bërë të ditur se është lëshuar linja e drejtpërdrejtë ajrore Prishtinë-Paris.
“Falë angazhimit të subjekteve vendore të aviacionit civil, përkatësisht transportit ajror, për qytetarët që e shfrytëzojnë këtë formë transporti, vazhdimisht po krijohen kushte e lehtësi për udhëtim të shpejtë, komod dhe me kosto më të favorshme”, thuhet në njoftimin e kësaj ministrie.

Pas Berlinit, destinacion ky në të cilin operimet kanë filluar kohë më parë,ky është destinacioni i dytë për në Bashkimin Evropian, për të cilin çmimet e biletave fillojnë nga 30 euro.

Ministria thotë se kjo është edhe një nga dëshmitë se politikat e saj zhvillimore po japin rezultatet e duhura në zhvillimin e tregut në baza konkurrente.