Në mesin e 24 shteteve me shumicë myslimane që nuk u janë pezulluar vizat për hyrje në Shtetet e Bashkuara, janë edhe Kosova e Shqipëria.

Sipas një liste të përgatitur nga Universiteti i Michiganit në Amerikë, 24 shtete me shumicë myslimane kanë shpëtuar nga urdhri i presidentit amerikan, Donald Trump.

Përmes një urdhri ekzekutiv, Trump i ndaloi hyrjen në SHBA të gjithë refugjatëve sirianë, deri në një njoftim të dytë.

Ai pezulloi gjithashtu me 3 muaj lëshimin e vizave për shtetasit nga 6 vende të tjera me shumicë myslimane, përfshirë Iranin, Irakun, Jemenin e Libinë.

Mbi bazë të urdhrit të firmosur në Pentagon pas ceremonisë së betimit të sekretarit të ri të Mbrojtjes, gjeneral James Mattis, ishte pezulluar edhe pranimi i të gjithë refugjatëve për 4 muaj. /Insajderi.com