Ish-deputeti Rrustem Mustafa – Remi do të zëvendësohet në Kuvendi e Kosovës nga Bilslim Zogaj nga Partia Demokratike e Kosovës.

Kështu ka vendosur sot Komisioni Qendror i Zgjedhjeve pasi që deputeti Mustafa është dënuar me katër vite burg për krime lufte.

Ligji për të drejtat dhe përgjegjësitë e deputetit parasheh rastet kur një i zgjedhur i popullit humb mandatin. Pika 1.6 e nenit 8 parasheh saktësisht rrethanat në të cilat ndodhen deputetët e Partisë Demokratike të Kosovës, Rrustem Mustafa e Latif Gashi.

Në këtë pikë thuhet se mandati humb “nëse me vendimin e formës së prerë të gjykatës dënohet për vepër penale me vuajtje të dënimit për një ose më shumë vjet burg”. Aktgjykimi i formës së prerë kundër Mustafës e Gashit është publikuar më 6 nëntor të këtij viti, ndërsa buxheti edhe me votat e tyre është miratuar më 17 nëntor./Insajderi