Samir Krasniqi, kryetar i Odës Ekonomike Gjermane në Kosovë, ka kritikuar Qeverinë e Kosovës që nuk ka ftuar odat e tjera përveç asaj të Kosovës dhe Odës Amerikane kur nënshkruan një marrëveshje bashkëpunimi për zbutjen e papunësisë.

“A do të thotë që bizneset gjermane, austriake, zvicerane, britanike, franceze, turke e shumë të tjera nuk janë partnerë të qeverisë?”, ka thënë Krasniqi duke kërkuar të dijë se pse nuk janë ftuar edhe këto oda ekonomike.

“A është kjo qeveri e të gjithëve apo vetëm e grupeve të caktuara, e klienteleve?  Nëse për të qenë partner me qeverinë është kriter serviliteti, atëherë ndjehemi mirë ne bizneset gjermane që nuk jemi pjesë e këtij bashkëpunimi,” ka shkruar ai në llogarinë e tij në Facebook.

Të shtunën, Ministri i Punës dhe Mirëqenies Sociale, Arban Abrashi, në praninë e kryeministrit Isa Mustafa, nënshkroi një marrëveshje bashkëpunimi me Odën Ekonomike të Kosovës dhe Odën Amerikane në Kosovë që për synim ka zbutjen e papunësisë në vend./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur