Kryetari i Partisë Demokratike të Kosovës (PDK), Memli Krasniqi, njëherësh edhe deputet i zgjedhur i këtij subjekti politik, është deklaruar pas dështimit të seancës konstituive.

Krasniqi ka deklaruar se partia Lëvizja Vetëvendosje ozurpoi të drejtën kushtetuese për konstituimin e Kuvendit të Kosovës. Sipas tij, VV po këqyrë të blejë kohë, meqë nuk e ka shumicën, shkruan Insajderi.

“E ozurpun një të drejtë kushtetuese që u jep përmes deputetit më të vjetër për të siguruar mbarëvajtjen e seancës. Unë mund t’ju them që këta sot, në mënyrë të organizuar ta pengojnë seancën. E vetmja punë që ek a pasë kryesuesi i seancës ka qenë me ardhë e me thanë konstatoj sa jeni të pranishëm. Një gjë e tillë nuk ka ndodhë”, ka thënë Krasniqi.

“Pra, sot ka pasur ozurpim partiak të institucionet përfaqësues të qytetarëve të Kosovës. Në vend të zbatohet skenari i seancës, një gjë e tillë nuk ka ndodhur por është keqpërdorur kjo e drejtë për me arrit qëllime partiake politike. Këta jo që s’kanë shumicë, këta s’janë as afër shumicës, unë i ftoj që të mos e mbajnë peng konstituimin e Kuvendit të Kosovës, themelimin e institucioneve të vendit por le të vijnë në seancë dhe le të votojnë”, shton tutje i pari i PDK’së.

“Këta nuk kanë shumicë parlamentare dhe meqenëse nuk kanë, po dojnë me ble kohë, për m’i bë pazaret politike”, përfundoi Krasniqi. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!