Kryetari i Partisë Demokratike të Kosovës, Memli Krasniqi, ka vlerësuar se partia e tij ka shënuar një rritje të dukshme në zgjedhjet e 9 shkurtit 2025, shkruan Insajderi.
Sipas tij, trendi i rritjes për PDK-në është i vazhdueshëm dhe do të sjellë rezultat më të mirë në zgjedhjet e ardhshme.
Krasniqi tha se qytetarët, në këto zgjedhje, dhanë një mesazh të qartë, duke treguar se nuk duan një qeverisje të njëpartiake, duke e bërë të qartë se qeverisja e ardhshme duhet të jetë një koalicion.
“Mesazhi që qytetarët i kanë dhënë partive politike, në radhë të parë Vetëvendosjes, është se koha për qeverisje njëpartiake ka marrë fund, sepse askush nuk e ka shumicën dhe na e kanë bërë të qartë se qeverisjen e ardhshme duhet ta qeverisë një koalicion”, u shpreh ai në një intervistë për RTV 21.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
