Kryetari i PDK-së, Memli Krasniqi ka kujtuar masakrën e Krushës së Madhe, ku forcat serbe vranë 243 civilë.

“25, 26 e 27 marsi 1999 ishin ditët më të trishta për banorët e Krushës së Madhe. 24 vite më parë forcat serbe vranë e masakruan 243 civilë të pafajshëm të këtij fshati”, shkroi Krasniqi në një postim në Facebook.

Krasniqi tha se mungesa e vënies së drejtësisë për viktimat e kësaj masakre është plaga që dhemb aq shumë për tërë Kosovën.

“Megjithatë, gratë e Krushës së Madhe, përkundër që humbën më të dashurit e tyre, gjetën forcën të ringrihen me punë e dashuri për vendin, duke u bërë shembull i mosdorëzimit. Lavdi për të rënët e Krushës së Madhe!”, shkroi ai.