Kremlini ka hedhur poshtë argumentet që i përmbajnë dokumentet e ashtuquajtura ‘Panama Papers’ dhe tha se gazetarët në këto hetime kanë gjetur “pak të reja”.

Dmitry Peskov, zëdhënësi i Putinit, tha të hënën se publikimi i dosjeve të firmës ligjore panameze Mossack Fonseca është e projektuar për të “destabilizuar situatën në Rusi përpara zgjedhjeve”.

“Është e qartë se niveli i ‘Putinofobisë’ ka arritur një nivel në të cilin është e pamundur të flasin mirë për Rusinë, dhe është e nevojshme të flasin keq për Rusinë,” tha ai.

Ai gjithashtu mohoi se gruaja e tij kishte qenë pronare përfituese e një kompanie të regjistruar në Ishujt e Virgjër Britanik.

“Bashkëshortja ime nuk ka dhe nuk do të ketë në pronësi ndonjë kompani “Offshore” në të cilën fshehen parat. Bazuar në këtë unë jam i nxitur që ti ironizoj këto informacione”, tha Peskov.

Por Panama Papers ka arritur të zbulojë se gruaja e Peskovit, Tatiana Navka, një ish-patinatore olimpike, ishte e regjistruar si pronare përfituese e një firme të fshehtë. Dokumentet nga ‘Panama Papers’ tregojnë se Navka kishte formuar kompaninë, Carina Global Pasurive Ltd, në vitin 2014.

Çifti u bashkua në vitin 2012, pasi Peskov u nda nga gruaja e tij e mëparshme.

Ata u martuan vitin e kaluar në një ceremoni luksoze në Sochi të Rusisë dhe u kritikuan për muajin e mjaltit në jahtin e dytë në botë më të shtrenjtë, i quajtur ‘Falkoni maltez’.

Aktivistët vënë re se ora e Peskov ishte me vlerë prej 400,000 mijë funtesh pothuajse sa katër herë paga e tij në Kremlin. Por, Peskov tha se ora ishte një dhuratë nga gruaja e tij e re.

Javën e kaluar Navka mohoi se ajo kishte pasur një kompani të hapur jashtë vendit me qëllim fshehjen e parave. Ajo u tha gazetarëve se kurrë nuk kam pasur ndonjë kompani “Offshore”.

“Unë nuk e di se kush mund të ketë bërë këtë. Unë do të doja ta kuptoja vetë se cfarë ka ndodhur”, tha Navka, e cila sipas dokumenteve ‘Panama Papers’, ka fshehur të holla të Kremlinit.

Në dokumentet e lëshuara, megjithatë është gjetur një kopje e pasaportës ruse të Tattiana Navkas. Për ta regjistruar kompaninë e saj ajo gjithashtu ka dorëzuar faturat e shërbimeve të gjashtë muajve të fundit, nga prilli deri në dhjetor të vitit 2013, me adresën e saj në shtëpi në Moskë.

Ato janë vulosur nga “Bankat private VIP “, nga departamenti i Bankës së Moskës. /Insajderi.com