Kandidati për deputet nga radhët e Lidhjes Demokratike të Kosovës, Krenar Xhaferi, ka premtuar ndërtimin e Autostradës së Anamoravës gjatë mandatit 4-vjeçar.

Xhaferi ka thënë se deri në qershor të 2026 do të përmbyllet pjesa e parë deri në Bresalc, kurse deri në fund të mandatit do të përfundojë ndërtimi i saj deri te Dheu i Bardhë.

“Deri në qershor 2026 do të përmbyllet pjesa e parë deri në Bresalc, ndërsa brenda katër viteve do ta ndërtojmë Autostradën e Anamoravës deri te Dheu i Bardhë. Anamorava dhe Gjilani, si kurrë më parë, në Qeverinë e udhëhequr nga Kryeministri Lumir Abdixhiku do ta kenë vëmendjen e duhur. Anamorava ka ditur të ndëshkojë dhe të japë votë. Kësaj here, Gjilani dhe Anamorava duhet të jenë me LDK-në dhe vizionin tonë për zhvillim!”, thuhet në postimin e tij.