Kreu i Komunës së Isotgut, Ilir Ferati, ka nënshkruar një marrëveshje me kreun e Kishës Ortodoksë, Teodosije Sibalic, me ndërmejtësimin e KFOR-it. Këtë e ka bërë të ditur KFOR-i përmes një njoftimi për media.

Marrëveshja të cilën KFOR e ka cilësuar si të rëndësishme, ka të bëjë me rizhvillimin e një zone urbane, përfshirë një shesh të lojërave për fëmijë.

“KFOR-i ka mbajtur sot një takim mes Ipeshkvit të Kishës Ortodokse, Teodosije Sibalic, dhe Kryetarit të Komunës së Istogut, z. Ilir Ferati, për të nënshkruar një marrëveshje të rëndësishme mes dy palëve lidhur me rizhvillimin e një zone urbane duke përfshirë një shesh lojrash për fëmijë”, thuhet në njoftimin e KFOR-t.