Ka dështuar konstituimi i Kuvendit të Kosovës, pasi nuk u miratua propozimi për formimin e komisionit zgjedhor, i nevojshëm për zhvillimin e votimit të fshehtë për zgjedhjen e kryetares.

Deputetja e Partisë Demokratike të Kosovës, Ganimete Musliu, ka reaguar duke thënë se mungesa e koordinimit kombëtar mbi çështjet kritike strategjike po e kërcënon jo vetëm hartimin e politikave koherente, por edhe legjitimitetin afatgjatë të vetë shtetit.

Deputetja më tej ka shtuar se inatet sipas saj, të kryeministrit në detyrë, Albin Kurti, bashkë me mungesën e vizionit politik po shpërfaqin pasojat më të shëmtuara të mungesës së konsensusit politik kombëtar.

‘‘Situata e krijuar po nxjerr në pah se edhe në një demokraci parlamentare, një person mund t’i mbajë peng të gjitha institucionet demokratike duke e bllokuar kështu politikën e Kosovës në një cikël populizmi dhe improvizimi. Çdo gjë është shndërruar në një spektakël; çdo propozim trajtohet si i ricikluar, çdo përpjekje institucionale shpërfillet si naive’’, ka thënë ajo mes tjerash.

Musliu në reagimin e saj ka dhënë idenë e krijimit të një Këshilli Ndërpartiak të Politikave Kombëtare.

‘‘Mandati: Të ofrojë konsultime të strukturuara, konfidenciale dhe jo-detyruese mbi çështjet kryesore kombëtare – dialogun me Serbinë, reformën e sundimit të ligjit, integrimin evropian, politikat arsimore dhe jo vetëm; Përbërja: Një përfaqësues nga secila parti parlamentare, i rinovueshëm me secilën legjislaturë, i kryesuar në një bazë rotative gjashtëmujore; Korniza: Mbështetur nga një sekretariat i integruar brenda Kuvendit ose Presidencës për të siguruar vazhdimësinë dhe memorien institucionale; Masat mbrojtëse: Mbledhjet të mbahen jashtë protokollit(kjo mund të shqyrtohet për shkak të transparencës), me procesverbale të arkivuara për llogaridhënie. Anëtarët të nënshkruajnë deklaratën për të evituar konfliktin e interesit’’, ka shkruar ajo. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!