Deputetja e kuvendit të Kosovës, nga radhët e Aleancës për Ardhmërinë e Kosovës, Time Kadriaj, ka reaguar nëpërmjet një komunikate për media lidhur me siç thuhet “fenomenin e kushtëzimeve që po iu bëhen disa punonjësve nga qeveria e Isa Mustafës”.

“Kam menduar se pas rrëzimit të regjimit të Millosheviqit, shantazhet dhe kushtëzimet për vende të punës kanë përfunduar. Por çuditërisht këto dukuri po vazhdojnë edhe sot.”

“Isa Mustafa, të gjitha institucioneve përgjegjëse për demarkacion, eksperteve dhe të punësuarve, ju ka thënë:  ‘o mbrojeni demarkacionin sipas versionit të komisionit qeveritar o shkoni në shtëpi. Si deputete e Kuvendit të Kosovës kam një lutje për të gjithë keta persona, mos bini pre e politikës ditore se kufiri është një!! Kullë, Zhlep dhe Çakorr”, thuhet në deklaratën e deputetes Kadriaj, njofton Insajderi.

LDK dhe AAK kanë shkëmbyer akuza rreth Demarkacionit dhe veprimeve të tjera njëra-tjetrës, madje partia e kryeministrit Mustafa e quajti “mediokër” AAK-në. /Insajderi.com