Kryeministri Isa Mustafa ka thënë se me partnerin e koalicionit, PDK-në, nuk është diskutuar për prishje të koalicionit.

Mustafa, sot gjatë inaugurimit të punimeve për zgjerimin e rrugës për Veternik, ka folur edhe për zgjedhjet e parakohshme.

Ai me këtë rast, edhe pse nuk i ka mohuar ato, ka thënë se me PDK-në, nuk kanë folur për prishje të koalicionit.

“Nuk kemi biseduar për prishje të koalicionit. Demarkacioni duhet të jetë përgjegjësi e deputetëve të Kosovës që mos t’i mbajnë qytetarët e Kosovës të izoluar dhe mos të veprojnë sipas tekeve të tyre”, ka thënë Mustafa.

Javën e kaluar, kryeministri por edhe kryetari i Kuvendit, Kadri Veseli, paralajmëruan se nëse dështon miratimi i Demarkacionit, atëherë, ky Kuvend, me këtë përbërje më nuk do të duhej të vazhdojë, duke lënë të nënkuptohet se vendi duhet të shkojë në zgjedhje të parakohshme.

Lexo edhe:

SKANDALI I MUHARREM SVARQËS, FAVORIZOI BIZNESMENIN E NJOHUR TË FERIZAJT