Një bisedë telefonike i ka kushtuar postin kryeministres së Tajlandës, Paetongtarn Shinawatra, të paktën përkohësisht. “BBC” shkruan se Gjykata Kushtetuese e Tajlandës e ka pezulluar kryeministren Shinawatra nga detyra për shkak të bisedës së saj telefonike me ish-liderin kamboxhian Hun Sen, të publikuar në media. Ndërkohë ende po shqyrtohet nëse do të shkarkohet përfundimisht apo jo.

Në këtë bisedë telefonike ajo e quante ish-liderin e Kamboxhias “xhaxha” ndërsa kritikonte një komandant ushtarak tajlandez. Për shkak të kësaj, kjo bisedë shkaktoi zemërim publik dhe kryeministrja u vendos nën presion për të dhënë dorëheqjen. Paralelisht një peticion u nënshkrua për shkarkimin e saj, të cilin gjykata po e shqyrton tani.

Kjo mund ta bëjë që politikania e tretë e familjes së fuqishme Shinawatra – i cili ka dominuar politikën tajlandeze për dy dekadat e fundit – të humbasë pushtetin para se të përfundojë mandatin.
Koalicioni i saj qeverisës tashmë ka përçarje dhe është zvogëluar, pasi një aleat kyç konservator e braktisi atë dy javë më parë.

Gjykata Kushtetuese sipas “BBC”-së votoi 7-2 për ta pezulluar atë nga detyra, ndërsa ende po shqyrtojnë çështjen për shkarkimin e saj dhe Shinawatra ka 15 ditë për të paraqitur mbrojtjen e saj. Megjithatë, ajo do të mbetet në kabinet si ministre e kulturës, post që e mori pas një riorganizimi të kabinetit që u miratua disa orë para se ajo të pezullohej.

Kryeministrja para se të pezullohej kërkoi përsëri falje publike të martën, duke u shprehur se qëllimi i telefonatës së saj me ish-liderin Hun Sen ishte “më shumë se 100%… për vendin”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!