Kryeprokurori i Shtetit, Aleksandër Lumezi së bashku me kryesuesin e Bordit të Drejtorëve të Agjencisë Kosovare të Privatizimit, Petrit Gashi, sot në një takim të mbajtur kanë biseduar për çështjet e privatizimit dhe uzurpimeve të pronësisë shoqërore.

Tema kryesore e këtij takimi, ka qenë lirimi i pronave dhe objekteve të uzurpuara dhe angazhimi për lirimin e tyre nga uzurpatorët, thuhet në komunikatën për medie.

Lumezi, ka njoftuar se është i përkushtuar që të gjitha rastet që kanë të bëjnë me privatizimin dhe uzurpimin e pronësisë shoqërore do të trajtohen me prioritet.

Ndër tjerash në këtë takim u tha se Prokurori i Shtetit do të ndërmerr të gjitha veprimet e duhura ligjore për identifikimin e rasteve. /Insajderi.com