Ftesës së Veselit i janë përgjigjur që të tre kryetarët e Komunave që udhëhiqen nga AAK-ja. Aty është parë kryetari i Deçanit, Rasim Selmanaj, ai i Obiliqit, Xhafer Gashi dhe Agron Kuçi i Junikut.

Në darkën e shtruar sonte për nder të Fitër Bajramit nga kryetari i Kuvendit, Kadri Veseli kanë qenë të ftuar personalitete nga të gjitha sferat e jetës në vend.

Darka e shtruar në oborrin e Kuvendit është organizuar për herë të parë në këtë format.

Të ftuar në këtë darkë, përveç deputetëve, kanë qenë të ftuar edhe kryetarët e komunave.

Ftesës së Veselit i janë përgjigjur që të tre kryetarët e Komunave që udhëhiqen nga AAK-ja. Aty është parë kryetari i Deçanit, Rasim Selmanaj, ai i Obiliqit, Xhafer Gashi dhe Agron Kuçi i Junikut.

Për koincidencë ata janë ulur pran Idriz Vehapit, kryetarit të Rahovecit që vije nga radhët e PDK-së.

Në mesin e të pranishmeve kanë qenë edhe dy deputetë të AAK-së, shefi i Grupit Parlamentar, Pal Lekaj dhe Lahi Brahimaj.

Pas darkës, kryetarët e Komunave të AAK-së dhe PDK-së kanë pirë edhe kafe së bashku. Aty ka qenë edhe kryetari i Hanit të Elezit, Rufki Suma, pastaj ai Klinës Sokol Bashota, Begzad Sinani i Kamenicës dhe kryetarë të tjerë komunash.