Lidhja Demokratike e Kosovës dega në Podujevë ka mbajtur dje Kuvendin e saj zgjedhor, ku ka zgjedhur për kryetar ish-kandidatin për kryetar të komunës së Podujevës, Ekrem Hyseni.

Por që që në fillim të këtij Kuvendi raportohej se ka pasur pakanqësi nga ish-kryetari i kësaj partie Agim Veliu, duke e quajtur procesin të korruptuar, të montuar, me shumë parregullsi, me shumë shkelje.

Madje, sipas një video të publikuar nga Raporto24 pakënaqësitë e tilla Veliu i ka shprehur edhe përmes veprimeve, duke i hedhur ujë kryetarit të Obiliqit, Xhafer Gashit, i cili ishte i pranishëm në këtë Kuvend.

Xhafer Gashi ka deklaruar se e konsideron veten që është në shtëpinë e tij dhe se kupton një gjë të tillë të revoltës.

“Unë e konsideroj veten që jam në shtëpinë time. Revolta e tij ndoshta e ka nxit nga audienca apo edhe nga delegatat të cilët ishin prezentë, nga 101 delegatë, në shumicën e rasteve votonin të gjithë dhe unë e kuptoj një gjë të tillë të revoltës së tij. Nashta pak e pa që jam i zhegitun dhe më freskoi me ujë”, ka thënë Xhafer Gashi.

@raporto24.com “Incident” mes zyrtarëve të LDK-së, Veliu e gjuan Gashin me ujë: “Isha i zhegitur”#kosova #obiliq #podujeva #prishtina #raporto24 #lajme ♬ original sound – Raporto24.com