Gjykata e Apelit e ka kthyer në rigjykim rastin kundër të akuzuarve  A.A., M.A., Sh.A., dhe Xh.A, të cilët ishin shpallur fajtor për “Vrasje e rëndë në bashkëkryerje”.

Të akuzuarit sipas komunikatës akuzohen për vrasjen e shtetasit R.D. që kishte ndodhur gjatë viti 2012  në Gadime të Lipjanit. A.A. ishte dënuar me 19 vjet burgim, M.A. me 14, Sh.A. me 5, po kaq sa edhe i akuzuari Xh.A.

“Gjykata e Apelit, pasi ka vlerësuar pretendimet e avokatëve mbrojtës por edhe sipas detyrës zyrtare  ka gjetur se aktgjykimi i ankimuar përmban shkelje esenciale të dispozitave të procedurës penale, sikur që është tejkalimi i aktakuzës nga neni 384 paragrafi 1, nën paragrafi 10 i Kodit të Procedurës Penale”, thuhet në njoftimin e Apelit.

Gjithashtu Apeli konstaton se gjykata e shkallës se parë ka shkelur dispozitat e procedurës penale edhe kur të akuzuarit i ka shpallur fajtor secilin veç e veç për veprën penale “Mbajtje në pronësi, kontroll, posedim dhe shfrytëzim të pa autorizuar të armëve”.

“Ndonëse prokurori kishte hequr dorë nga ndjekja penale për veprën në fjalë, në fjalën hyrëse.  Prandaj aktgjykimi i shkallës se parë domosdoshmërish është dashur të anulohet”, thuhet më tej në komunikatë.