Pas një pauze të shkurtër muzikore, Ghetto Geasy, legjenda e hip hop-it shqiptar, vjen fuqishëm me albumin e tij më të ri, që tashmë po konsiderohet nga shumë si një kryevepër e muzikës shqiptare.
Albumi, i cili është lansuar vetëm gjashtë javë më parë, ka ngjallur entuziazëm të jashtëzakonshëm tek publiku dhe fansat e tij besnikë.
Më 18 qershor, në hapësirën ikonike të ZONE, Ghetto Geasy do të ngjitet në skenë për të interpretuar për herë të parë ‘live’ të gjithë albumin e ri në një koncert ekskluziv që premton të jetë ngjarja më e madhe muzikore e sezonit.
Atmosfera në ZONE pritet të jetë e zjarrtë, me pjesëmarrjen e qindra fansave, figurave publike, artistëve të njohur dhe yjeve të estradës që do të jenë të pranishëm për të festuar promovimin e albumit e një prej ikonave më të mëdha të muzikës shqiptare.
Albumi i ri i Getit përçon tinguj modernë, lirika të thella dhe bashkëpunime të fuqishme, duke e vendosur sërish në majat e skenës muzikore si një artist vizionar, me ndikim dhe gjithmonë një hap para kohës.
Nëse ka një ngjarje që nuk duhet humbur këtë verë, është padyshim nata magjike e 18 qershorit në ZONE, ku Ghetto Geasy do të dëshmojë se hip hop-i i vërtetë nuk vdes kurrë – ai vetëm evoluon.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
