Kundërmimit “i erdhi fundi”, përfundon greva e punëtorëve të kompanisë “Pastrimi” – Insajderi
×
  • Lajme
  • Ballina 5

    Kundërmimit “i erdhi fundi”, përfundon greva e punëtorëve të kompanisë “Pastrimi”

    Insajderi
    14 March 2023 - 22:54
    Klikoni Këtu për t'u bërë pjesë e kanalit të Insajderit në Youtube.

    Duket se ka përfunduar mosmarrëveshja dhe greva e punëtorëve të kompanisë “Pastrimi”, e cila detyroi komunën e Prishtinës të pajtoj një kompani nga Ferizaj për pastrimin e kryeqytetit.

    Pak minuta më parë, kompania në fjalë njoftoi se ekipet kanë dalë në terren për të vazhduar me grumbullimin dhe largimin e mbeturinave, por pa treguar se a është arritur ndonjë marrëveshje.

    “Po ashtu njoftojmë që kryerja e shërbimit të mbeturinave do të vazhdojë sipas planit dhe orarit të rregullt operativ”, tha kjo kompani përmes një postimi në Facebook.

    “Pastrimi” falënderoi qytetarët për, siç tha, “mirëkuptimin që kanë treguar ndaj punëtorëve te kompanisë sonë”.

    Prej dje, punëtorët e Kompanisë Rajonale të Mbeturinave “Pastrimi”, kanë hyrë në grevë. Kjo ka bërë që Prishtina dhe qytetet tjera të “mbyten” në mbeturina. Kërkesa e punëtorëve është rritja e pagave. Për çështjen e mbeturinave, sot, i pari i Prishtinës, tha se vendimi i punëtorëve të “Pastrimit” ka pasur ndikim të rëndë në pastërtinë e komunës.


    OP-ED
    Nga Rubrika
    x

    © 2016-2025 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark