Rënia e gripit është një nga arsyet bosht pse anëtarja e Komisionit të Pavarur të Mediave, Luljeta Aliu, kërkoi që sot, disa ditë para se t’i përfundojë mandati kryetarit të KPM’së Jeton Mehmetit, të mblidhen e ta shkarkojnë këtë të fundit. Kjo, pasi që sipas Aliut mund të mos ketë kuorum para datës 20 janar.

“Pas një diskutimi që kishim me kolegër Besnik Berisha dhe Fitim Veliu kemi ardhur në përfudnim se zgjedhja e kryesisë së re duhet të bëhet para se KPM të mbetet pa kuorum, gjegjësisht disa ditë para datës 20 janar për t’u siguruar se ndonjëri nga ne nuk do të jetë me ‘grip’ apo mungojnë për arsye tjera”, thuhet ndër të tjera në emailin që e ka parë Insajderi.

Emaili është dërguar nga anëtarja e KPM’së, Luljeta Aliu mandati i së cilës u mbështet nga subjekti politik, Lëvizja Vetëvendosje, në Kuvendin e Kosovës. Aliu në të kaluarën mbështeste si analiste pozicionet e partisë në pushtet.

Flutura Kusari, juriste e mediave, ka njoftuar se në takimin e Komisionit të Pavarur për Media pritet të shkarkohet kundërligjshëm kryetari i KPM’së, Jeton Mehmeti, disa ditë para se t’i kryhet mandati.

Kusari ka thënë se shkarkimi i tij do të bëhet në mënyrë të kundërligjshme nga pushteti dhe në një proces të motivuar politikisht.

Reagimi i saj:

Akterë të partisë në pushtet e kishin quajtur “të shitur” kryetarin aktual të KPM’së. Deputeti i Vetëvendosjes, Dimal Basha, kishte thurur një varg kritikash pas rikthimit të transmetimit të ‘Arena Sport’.

Sulme ndaj tij ishin bërë edhe nëpër mbledhje të komisionit nga radhët e deputetëve të VV’së. /Insajderi.org/