Në nivel të ekipeve kombëtare, turneu numër një Kupa e Botës, mund të pësojë ndryshim sa i përket numrit të skuadrave pjesëmarrëse.

Sipas lajmit të Athletic, FIFA po e shqyrton mundësinë e rritjes së numrit të kombëtareve që do të marrin pjesë në turneun e vitit 2030, i cili do të organizohet bashkërisht nga Maroku, Spanja dhe Portugalia.

Thuhet se Presidenti i FIFA-s, Gianni Infantino, është takuar me zyrtarë të CONMEBOL-it, organi përgjegjës për futbollin e Amerikës së Jugut. Për të ndryshuar numrin e ekipeve pjesëmarrëse, çështja duhet të diskutohet dhe të miratohet nga Këshilli i FIFA-s.

Kupa e Botës, e cila për herë të parë u organizua në vitin 1930, në vitin 2030 do të shënojë 100-vjetorin e saj.

Për këtë arsye, përveç vendeve organizatore, do të zhvillohet nga një ndeshje edhe në Paraguaj, Uruguaj dhe Argjentinë.

Pas ndeshjeve të para, takimet e mbetura të Kupës së Botës 2030 do të ndahen mes vendeve pritëse: Marokut, Portugalisë dhe Spanjës. Numri i ekipeve pjesëmarrëse në Kupën e Botës ishte rritur nga 16 në 24 në vitin 1982, dhe më pas në 32 në vitin 1998.

Ndërsa në Kupën e Botës 2026, që do të organizohet nga Shtetet e Bashkuara, Kanadaja dhe Meksika, do të garojnë 48 ekipe kombëtare.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!