Kreu i Partisë Demokratike Sali Berisha ka paralajmëruar për një protestë e fuqishme para Ministrisë së Brendshme pas vdekjes së të riut Lear Kurti. Ky i fundit sipas Berishës vdiq si pasojë e dhunës policore.
“Sot, në ora 18:00, protestë e fuqishme për vdekjen me dhunë të të riut, Lear Kurtit nga policë banditë të droguar të Ramës-Çuçit, dhe vrasjen e tij për së dyti nga krimineli i tyre me uniformë, Ardi Veliu”, shkroi Berisha në Facebook.
Rikujtojmë se edhe ditën e premte u protestua para Ministrisë së Brendshme për rreth një orë, protestë e cila nuk u shoqërua me dhunë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
