Cristiano Ronaldo u bë një lojtar i magjishëm te Real Madrid, por ishte Manchester United ekipi që i la hapësirë të zhvillonte potencialin e tij. Ylli portugez mori një edukim perfekt nga Sir Alex Ferguson. Por nuk ka qenë gjithmonë e lehtë për tre herë fituesin e Ballon d’Or. Ferguson nuk kishte frikë të përballej me lojtarët e tij dhe Ronaldo me siguri që nuk bënte përjashtim kur vjen puna për të marrë kritika. Ronaldo mbërriti në vitin 2003 te United, kur ishte vetëm 18 vjeç.

Në një libër të ri me titull “Cristiano Ronaldo: Biografia” Guillem Balague shpjegon se si 31 vjeçari shpërtheu në lot për shkak të kritikave që mori nga trajneri dhe shokët e ekipit.

Në prag të ndeshjeve kundër Arsenal, Ferguson përgatitej në detaje dhe një nga lojtarët që duhet të punonte më shumë ishte Ronaldo.  Por ndonjëherë ai i harronte detyrat, deri në një moment që Ferguson-it i erdhi në majë të hundës.

“Në ndeshjen e parë në vendlindje që kur i ishte bashkuar Manchester United, një ndeshje Champions League kundër Benficas, Ferguson nuk e mbajti më veten,” shkruan Balague.

“Gjërat nuk shkuan sipas planit teksa portugezët fituan 1:0 në Lisbonë. Sulmuesi i krahut kaloi një ditë të keqe. Ferguson nuk tregoi mëshirë, shkruan telesport.

Ronaldo filloi të qante. ‘Ai duhet të mësonte ai ishte mesazhi i gjithë ekipit dhe jo vetëm i Ferguson: të gjithë mendonin se ai duhet të mësonte,’ thoshte Rio Ferdinand.” Ferguson e kuptoi menjëherë se ai ishte një lojtar që kishte nevojë për dashuri.

“Ishte hera e parë që Ferguson trajtonte një lojtar me atë lloj respekti dhe afeksioni,” shton Balague.