Kryeministri i Kosovës, Albin Kurti, ka falënderuar qytetarët për qetësinë dhe besimin që kanë treguar në Policinë e Kosovës.

Kurti këtë e ka bërë me anë të një postimi në platformën ‘X’ (ish-Twitter), teksa ka njoftuar për dhënien e mbi 100 pakove ushqimore për serbët lokalë të Banjskës së Zveçanit, shkruan Gazeta Insajderi.

“Krahas operacionit anti-terrorist, Policia e Kosovës ka shpërndarë mbi 100 pako ushqimore në Banjskë për banorët shumicë serbë të Kosovës në këtë zonë, përveç adresimit të nevojave të tjera elementare”, ka shkruar Kurti.

“Falenderoj qytetarët tanë për qetësinë, maturinë dhe besimin. Policia është në shërbimin tuaj”, përfundon postimi i shefit të Qeverisë. /Insajderi.org/

Alongside its anti-terror operation, @Kosovo_Police has distributed 100+ food packages in Banjskë to the majority Kosova-Serb residents in the area, in addition to addressing other basic needs. I thank our citizens for their calm, prudence & trust. The Police are at your service. pic.twitter.com/XiNS4GbcoY

— Albin Kurti (@albinkurti) September 26, 2023