Kryeministri i Kosovës në detyrë, Albin Kurti, është deklaruar pas përurimit të ndërtimit të urave të reja mbi lumin Ibër të Mitrovicës.

Kurti para mediave komentoi edhe deklaratat e ndërkombëtarëve, të cilat kërkuan nga palët që të përmbahen në veprime, shkruan Insajderi.

Ai tha se nuk është mirë që të hidhen dyshime dhe të spekulohet për, siç u shpreh ai, rreziqe të panevojshme.

“Nga ana jonë nuk ka rrezik, punimet i zhvillojmë ne. Nëse dikush shkel ligjin, pengon punimet, atëherë duhet të merremi me ata/ato, jo me ata që janë duke punuar. Nuk është mirë të hedhim dyshime të panevojshme dhe të spekulojmë për rreziqe që janë të panevojshme”, deklaroi Kurti.

“Ka kaluar koha e barrikadave, është koha e qarkullimit të lirë, e shkëmbimit të shërbimeve prandaj unë besoj që këto ura do t’i shfrytëzojnë jo vetëm shqiptarët por që të gjithë”, tha ndër të tjera i pari i qeverisë në detyrë.

Kurti u pyet nga gazetarët edhe nëse ka pranuar raportin ndërkombëtar për qëndrueshmërinë e Urës së Ibrit. Ai tha se s’e ka pranuar një të tillë vetëvetiu, por që e kanë raportin që është kryer vitin e kaluar dhe se gjendja e urës ekzistuese të Ibrit është stabile.

“Ndoshta ka marrë ministria, unë nuk e kam marrë atë raport por ne e kemi marrë raportin që e kemi organizu vetë. Ajo urë përveçse karabinierëve italianë dhe këmbësorëve, padyshim i bart maunat dhe këmbësorët”. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!