Zëdhënësi i Qeverisë, Përparim Kryeziu, ka reaguar ndaj raportimeve në media se kryeministri Albin Kurti është intervistuar nga Policia e Kosovës për rastin që lidhet me Faton Klinakun nga OVL-UÇK.

Sipas Kryeziut, nuk është e vërtetë që Kurti ka shkuar në stacion policor për të dhënë deklaratë. Në vend të kësaj, ai është intervistuar nga zyrtarët policorë brenda ambienteve të Kryeministrisë, gjë që ka nxitur kritika dhe perceptime për trajtim të privilegjuar.

“Kryeministri Kurti deklaratën e tij para zyrtarëve policorë e ka dhënë në zyrën e tij, e jo në polici, siç pretendojnë në tituj dhe shtrembërojnë informacionin portalet”, shkroi Kryeziu në një reagim publik.

Faton Klinaku, ish-ushtrues detyre i kryetarit të OVL-UÇK-së, është një nga dy personat që përballet me aktakuzë për kanosje ndaj kryeministrit Albin Kurti. Aktakuza ndaj tij është ngritur më 1 gusht 2025.

Sipas njoftimit të Prokurorisë Speciale, Klinaku më 29 gusht 2023, përmes një postimi në Facebook, ka lëshuar deklarata me përmbajtje kërcënuese ndaj Kurtit. Reagimet publike ndaj këtij postimi nuk e kanë ndalur atë, pasi më 30 gusht 2023, ai ka përsëritur kërcënimin duke shkruar:

“Prapë po e përsëris, nëse ju duket skandaloz postimi i mëhershëm: Më parë e vras Albin Kurtin se sa t’ia lëshoj rrugën e të iki nga Kosova”.

Përveç këtij rasti, Kurti ka refuzuar të paraqitet edhe për intervistim në rastin e rezervave shtetërore, ku ishte ftuar nga Prokuroria Speciale për të dëshmuar. Në vend që të shkojë vetë, Kurti ka deklaruar se prokurorët duhet ta intervistojnë në zyrën e tij.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!