Kryeministri i Kosovës, Albin Kurti i shoqëruar nga Ministrja e Ekonomisë, Artane Rizvanolli dhe shefi i stafit të kryeministrit, Luan Dalipi, takuan sot Nihat Özdemirin, themelues i Limak Holding, dhe Ahmet Çalikun, themelues i Çalik Holding, së bashku me përfaqësues nga kompanitë e tyre përkatëse, duke përfshirë Kompaninë e Shërbimit të Shpërndarjes së Energjisë Elektrike (KEDS) dhe Bankën BKT.

Nga zyra e kryeministrit njoftojnë se diskutimet u përqendruan rreth eksplorimit të mundësive për investime në fushën e energjisë dhe infrastrukturës brenda Kosovës dhe se Kurti theksoi rëndësinë e investimeve të huaja në përmirësimin e këtyre sektorëve.

Takimi u karakterizua me frymë bashkëpunimi dhe përkushtim të përbashkët për nxitjen e rritjes dhe zhvillimit ekonomik në Kosovë.

Tutje thuhet se gjatë diskutimeve, Özdemir dhe Çalik shprehën interesimin e tyre për investime të mundshme që mund të kontribuojnë në përparimin ekonomik të Kosovës. Ata theksuan ekspertizën e kompanive të tyre në projektet e energjisë dhe infrastrukturës, duke përfshirë energjinë e ripërtëritshme.

E i pari i qeverisë ritheksoi zotimin e institucioneve të Kosovës për të krijuar kushte të favorshme, konkurrencë të barabartë dhe transparencë për investitorët e huaj.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!