Të mërkurën në mesditë në Strasburg është nënshkruar vendimi përfundimtar për liberalizimin e vizave për Kosovën.

Ky vendim u nënshkrua nga përfaqësuesit e dy institucioneve të BE-së, Parlamentit Evropian, Roberta Metsola dhe Jessika Sowall, ministrja për Çështje Evropiane e Suedisë.

Me këtë rast, kryeministri Albin Kurti ua uroi qytetarëve të Kosovës liberalizimin e vizave.

Mirëpo kësaj radhe, ai nuk i kurseu kunjat ndaj ish-qeverive që ua uronin qytetarëve liberalizimin e vizave viteve të kaluara, e madje edhe festonin me shampanja.

“Urime të gjithëve liberalizimi i vizave. Kësaj radhe përnjëmend!”, shkroi Kurti në rrjetin social Instagram.

Ai ndër të tjera tha se nga 1 janari i vitit të ardhshëm, qytetarët do të mund të udhëtojnë lirshëm e pa viza në zonën Schengen të Bashkimit Evropian.

Dje në Parlamentin Evropian, eurodeputetët votuan pro liberalizimit të vizave.

IN Promo Marketing

Arrin në Zone Mobile sasi e re e Iphone 17 Pro Max dhe Ipad Pro, çmime të reja nga e...

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!