Kryeministri i Kosovës, Albin Kurti sot informoi se të gjithë të lënduarit në aksidentin e mbrëmshëm në Serbi janë jashtë rrezikut për jetë.

Ai në mbledhjen e qeverisë tha se bashkëndjejnë me gjithë mërgimtarët që sakrifikojnë për të ardhur më Kosovë .

“Urojmë që udhëtimet e tyre të jetë sa më të lehta dhe sigurta. Iu urojmë shërim të plotë të lënduarve”, tha ai.

Një autobus i “Zhitia Turist” me udhëtarë nga Kosova mbrëmë është rrotulluar në afërsi të Krushevcit.

Ndërkohë, njëri prej të lënduarve (emër i njohur për redaksinë), i cili ka qenë zgjuar në momentin e aksidentit, për Gazetën Insajderi ka rrëfyer momentin si erdhi deri tek rasti.

I njëjti ka thënë se deri tek aksidenti erdhi për shkak se shoferi i autobusit “Zhitia Turist”, dy katësh, ka tentuar ta tejkalojë një autobus tjetër.

Ai ka cekuar se të lënduar ka duart, fytyrën dhe veshët.

“Unë zgjutë kam qenë më momentin e aksidentit, jam lëndu, duart, fytyrën dhe pjesën e veshëve. Autobusi nuk ka rrëshqit direkt, ka tejkalu një mjet tjetër andaj kemi përfundu siç kemi përfundu. Në autobus ka pasur edhe fëmijë edhe një foshnje.. Ka qenë tmerr i vërtetë”, ka thënë ai, i cili për shkaqe sigurie ka dashur të mbes anonim.

I lënduari ka thënë se të gjitha trajtimet i kanë kryer në Serbi.

Edhe njëherë tjetër është raportuar se shoferët e kompanisë “Zhitia Turist”, po bëjnë tejkalime të rrezikshme. Një i tillë ndodhi edhe para disa ditësh, po në Serbi. Nga pamjet shihet se si autobusi i kësaj kompanie tejkalon katër vetura përnjëherësh.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman