Nga Policia e Kosovës kanë thënë se protestuesit kanë hedhur gaz lotsjellës, ndërsa këta të fundit gishtin e drejtojnë nga policia.

Dyert e Kuvendit u rrethuan me pjesëtarë të Policisë së Kosovës.

E kordoni i Policisë që rrinte para atyre do të rezistonte vetëm pak minuta.

Një numër i madh i protestuesve kaluan brenda oborrit të Kuvendit, e në momentin e parë që shkelën brenda oborrit, u pa te hidhej gaz lotsjellës.

Kjo bëri që protestuesit të reagonin më dhunshëm karshi pjestarëve të Policisë.

Të gjithë flisnin se adresa kryesore e këtij gazi ishte Policia e Kosovës.

Kështu thoshte edhe udhëheqësi i protestuesve.

Por nuk vonoi shumë, dhe me një komunikatë drejtuar për mediat, nga Policia e Kosovës mohuan se ishin ata që kanë hedhur gazlotsjellës.

Në fakt, sipas Policisë ishin protestuesit ata që e bënë këtë veprim.

Por kur pyetja ende nuk ka një përgjigje, dikush nga Vetëvendosja mori rolin e hetuesit.

Në fakt, sipas Policisë ishin protestuesit ata që e bënë këtë veprim.

Por kur pyetja ende nuk ka një përgjigje, dikush nga Vetëvendosja doli me një pistë të re.

Anëtari i Vetëvendosjes është shprehur i sigurtë se ishte PSD ajo që hedhi gazin.

Ky aludim i Egzon Azemit vie pasi pa prezencën e kreut të PSD-së në protestë.

E Dardan Molliqaj e përjetoi vetë këtë gaz, gjë që u pa teksa tregoi para mediave arsyen e mbështetjes së kësaj proteste.

Televizioni ka xhiruar edhe mjetet shpërthyese që dyshohen se u hodhën gjatë protestës.

Të njëjtat janë konfiskuar në fund të protestës nga hetuesit policorë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur