Shamsud-Din Jabbar, një veteran i ushtrisë dhe shtetas amerikan nga Teksasi, është identifikuar nga FBI-ja, si i dyshuari në sulmin e së mërkurës në New Orleans.

42-vjeçari kishte punuar në role të ndryshme në ushtrinë amerikane, duke përfshirë burimet njerëzore dhe IT, përpara se të lirohej.

Ai u vendos në Afganistan nga shkurti 2009 deri në janar 2010. Ai studioi në Universitetin Shtetëror të Gjeorgjisë nga viti 2015 deri në vitin 2017, duke u diplomuar për sistemet e informacionit kompjuterik.

Xhabar ishte martuar dy herë. Martesa e tij e parë përfundoi në vitin 2012 dhe e dyta zgjati nga viti 2017 deri në 2022.

Ai duket se ka punuar edhe në prona të paluajtshme, por patenta i ka skaduar në vitin 2021. Ai kishte precedentë penalë, lidhur me kundërvajtje në trafik dhe vjedhje.

Një flamur i lidhur me grupin e Shtetit Islamik (ISIS) u gjet në automjetin që ai drejtonte dhe FBI tha se po hetonte se çfarë lidhje mund të kishte Jabbar me grupet terroriste, shkruan BBC.