Një modele 19-vjeçare serbe, Tijana Radonjic, ra tragjikisht për vdekje javën e kaluar në një aksident me parashutë në qytetin bregdetar të Budvës.

Pamjet shqetësuese që po qarkullojnë në rrjete sociale tregojnë adoleshenten duke hequr jelekun e shpëtimit dhe duke zgjidhur rripin, sekonda para se të binte mbi 45 metra ne detin Adriatik.

Incidenti ndodhi gjatë asaj që supozohej të ishte një shëtitje rekreative, ndërsa Radonjiç ishte me pushime në Mal të Zi.

Shërbimet e emergjencës reaguan shpejt, por më vonë u konfirmua se Radonjiç kishte vdekur.

Dëshmitarët raportuan se e dëgjuan duke bërtitur ‘më ulni poshtë’ pak para momentit tragjik.

Autoritetet po hetojnë aktualisht incidentin.

Por, kush ishte Tijana Radonjiç?

Tijana Radonjiç ishte një modele aspirante nga Serbia, e cila kohët e fundit kishte filluar të fitonte terren në rrjete sociale për përmbajtjen e saj të fokusuar në stil dhe jetesë.

E njëjta ndiqej nga mbi tre mijë njerëz vetëm në Instagram.

E përshkruar si e guximshme dhe plot jetë nga ata që e rrethonin, ajo kishte qenë duke shijuar pushimet verore në Mal të Zi kur ndodhi aksidenti fatal.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!