Kuvendi i Kosovës sot mban seancën e radhës në të cilën nuk është paraparë që të jetë në rend dite çështja Marrëveshja e Demarkacionit me Malin e Zi, pavarësisht se ajo ishte përfolur shumë se gjatë kësaj jave Qeveria do ta sjellë në Kuvend.

Kjo dëshmohet nga rendi i ditës të cilin e ka bërë të ditur zyra për media e Kuvendit.

Në seancën e sotme që është planifikuar të fillojë nga ora 10:00, do të bëhet shqyrtimi i dytë i Projektligjit nr. 05/L-109 për ndryshimin dhe plotësimin e Ligjit nr. 05/L-071 për Buxhetin e Republikës së Kosovës për vitin 2016; shqyrtimi i dytë i Projektligjit nr. 05/L-108 për ndryshimin dhe plotësimin e Ligjit nr. 03/L-049 për financat e pushtetit lokal; dhe shqyrtimi i Raportit vjetor të Bankës Qendrore të Republikës së Kosovës për vitin 2015./Insajderi.com