Deputetët e betuar do të mblidhen sot në tentimin e 34-të për ta konstituar Kuvendin e Kosovës.

Procesi ka ngelur tek zgjedhja e kryetarit dhe kryesisë së Parlamentit, por bazuar në qëndrimet e partive politike nuk ka ndonjë sinjal për kapërcimin e kësaj situate.

Lëvizja Vetëvendosje, po insiston në propozimin e saj për këtë pozitë Albulena Haxhiun.

Në asnjërën nga tentimet e bëra, Haxhiu s’ka arritur t’i marrë 61 vota, shkruan Insajder.

Janë bërë tashmë më shumë se dy muaj nga seanca e parë konstituive e 15 prillit dhe deri më tani janë bërë 29 dështime të ministres në detyrë të Drejtësisë për t’u zgjedhur në postin kryesor të Parlamentit.

Për të tejkaluar krizën politike, shefja e shtetit Vjosa Osmani, pritet t’i drejtohet Gjykatës Kushtetuese me synimin që të sqarohen mundësitë ligjore për tejkalimin e situatës aktuale.

Ajo deri tash ka mbajtur deri tani dy takime konsultative me liderët e partive politike, fillimisht më 15 maj dhe së fundmi për çështjen e organizimit të zgjedhjeve lokale.

Osmani ka përsëritur gatishmërinë për të zhvilluar takime të veçanta me çdo lider politik që ka interes për të diskutuar rreth konstituimit të organit kryesor ligjvënës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!