Një kuzhinier nga Rumania i cili raportohet të ketë goditur në kokë sulmuesin në Londër me një arkë dhe më pas kishte strehuar 20 persona në furrën e tij është thirrur hero.

Furrtari, i cili punon në furrën “Bread Ahead”, ka treguar rastin për Associated Press, raporton The Guardian.

“Ne ishim duke shikuar për dritare sepse pamë që të gjithë ishin të shqetësuar, të gjithë vraponin, njerëzit, gratë… atyre po u binte të fikët, po binin dhe ne dolëm jashtë për të parë se ç’po ndodhte”, tregoi furrtari.

Ai tha se “ngriu” kur doli jashtë dhe pa dy njerëz tek thernin të tjerët.

Sidoçoftë, ai më pas doli dhe goditi njërin prej sulmuesve në kokë me një arkë.

“Aty ishte një veturë me altoparlantë duke thënë ‘shko, shko’ dhe ata [policia] gjuajtën një granatë…. më pas unë vrapova”, tha ai, duke shtuar se gjithashtu la 20 njerëz brenda furrës së tij duke mbyllur më pas grilat e dyqanit.

Të shtunën mbrëma dy sulme terroriste në urën e Londrës lanë të vdekur shtatë persona dhe plagosën 48 të tjerë, prej të cilëve 21 janë në gjendje kritike për jetë.

Ky është sulmi i dytë terrorist i bërë nga militantë islamikë brenda tri javëve në Angli. Më 22 maj një sulm në Manchester la të vdekur 22 persona. /Insajderi.com