Moti i keq që ka goditur Shqipërinë ka shkaktuar probleme dhe në aeroportin e Rinas.

Bëhet me dije se avioni i linës Romë-Tiranë i cili duhet të ulej në orën 09:55 është ende në qiell pasi nuk bën dot uljen në Rinas.

Gazetarja e Ora News që ndodhet në avion bën me dije se avioni do të tentojë edhe njëherë të bëjë uljen, në rast të kundërt do të ulet në Bari.

“Ky avioni ku jam dhe unë ka një orë që rri në qiell… duhet te ulej në 9.55. Tani që shkruaj është ora 11:05. Thonë se moti i keq nuk po i lejon uljen. Do të presin dhe 15 minuta e do të tentojnë përsëri për të zbritur në Rinas. Ndryshe do të ulet në Bari. U tha fillimisht për Shkup, pastaj e ndryshuan. Avioni është plot. Ka dhe fëmijë e të moshuar,” shkruan ajo.