Një 24 vjeçar me origjinë nga Kosova ka humbur jetën sot në Milano të Italisë. Sipas raportimeve nga mediat italiane, viktima thuhet se humbi jetën pasi ra nga një skele ndërtimi me lartësi rreth 20 metra, transmeton Insajderi.
Ngjarja ka ndodhur në rrugën Bassini, në zonën “Citta Studi”.
Viktima është Endrit Ademi.
Insajderi sjell foton e të ndjerit.
Sipas informacioneve nga RaiNews.it, i riu ishte duke punuar për një kompani ndërtimi në rikonstruksionin e një ballkoni në katin e katërt të një ndërtese, dhe në rrethana ende të paqarta është rrëzuar.
Në vendngjarje ndodhen autoritetet e policisë lokale, të cilat kanë nisur hetimet për të zbardhur shkaqet e aksidentit tragjik.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
