Një tragjedi e rëndë ndodhi sot në orën 12:32 në rrugën “Ibrahim Rugova” në Gjilan, ku brenda një kafeneje dy persona humbën jetën, ndërsa dy të tjerë mbetën të plagosur si pasojë e të shtënave me armë zjarri.

Kjo ngjarje u konfirmua për Insajderin nga Ismet Hashani, zëdhënës i Policisë për rajonin e Gjilanit, i cili njoftoi se në vendin e ngjarjes kanë dalë njësitet relevante të Policisë dhe Prokurori i Shtetit.

Burime të Insajderit bëjnë me dije se i dyshuari për vrasje është Mefail Shkodra, i cili për momentin ndodhet në arrati.

“Ju njoftoj se sot, më 10.08.2025, rreth orës 12:32, dyshohet se ka ndodhur një rast vrasje dhe plagosje me armë zjarri në Gjilan, rruga ‘Ibrahim Rugova’. Në këtë rast, mjeku kujdestar e ka konstatuar vdekjen e dy personave, dyshohet që edhe dy persona të tjerë janë plagosur dhe u është ofruar ndihmë në qendrën emergjente në Gjilan. I dyshuari për rastin është një mashkull, shtetas i Kosovës, i njohur për Policinë, i cili për momentin është në arrati. Në vendin e ngjarjes kanë dalë njësitet relevante dhe Prokurori i Shtetit. Policia e Kosovës, Njësitë e Hetimeve Rajonale në bashkëpunim me Prokurorinë po i hetojnë rrethanat e këtij rasti të rëndë”, deklaroi Hashani.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!