Dy persona janë plagosur pasditen e sotme në Shtërpcë. I dyshuari është arrestuar para pak minutave.

“Policia Rajonale e Ferizajt, pas një pune intenzive hetimore, grumbullimit të informacioneve në terren kanë identifikuar e më pas kanë arrestuar të dyshuarin A.K (M/K) i moshës 33 vjeçar”, njoftoi PK-ja.

I dyshuari A.Kurtaj ka thënë se ndihet i pafajshëm për rastin që po ndërlidhet emri i tij.

Indeksonline ka kontaktuar me të, pak minuta para se t’i vetdorëzohet forcave të rendit.

I njëjti ishte në pritje të patrullës së Policisë në një vend në Prevallë.

“Qe veç erdhën”(policia v.j.), thotë ai.

Kujtojmë se, njëri nga të plagosurit i përket moshës 11-vjeçare. Ndërsa, tjetri është 31 vjeç.