Dardan Berisha ka shpallur zyrtarisht kandidaturën për kryetar të Komunës së Suharekës në zgjedhjet lokale që do të mbahen më 12 tetor 2025. Ai është nominuar nga dega e Partisë Demokratike të Kosovës (PDK) në Suharekë, ndërsa lajmin e ka bërë të ditur përmes një statusi në rrjetet sociale.
Berisha e cilësoi këtë nominim si një nder të jashtëzakonshëm dhe tha se Suhareka nuk është thjesht vendbanimi i tij, por “shtëpia e zemrës, e historisë dhe e shpresës për një të ardhme më të mirë”.
“Nuk është e mjaftueshme të kemi ide të mira, mbi të gjitha duhet vullnet, guxim dhe përkushtim për t’i bërë ato realitet. Këtë përkushtim e kam dëshmuar çdo ditë të angazhimit tim,” shkroi ai.
Postimi i tij i plotë:
Të nderuar qytetarë, të dashur bashkëvendas dhe miq të respektuar,
Me propozimin e strukturave të PDK-së dega në Suharekë, nominohem kandidat për Kryetar të Komunës së Suharekës në zgjedhjet lokale të 12 tetorit.
Është një nderë i jashtëzakonshëm për mua të shpallë kandidaturën për Kryetar të Komunës së Suharekës, një vend që nuk është vetëm vendbanimi im, por edhe shtëpia e zemrës sime, e historisë, dhe e shpresës për një të ardhme më të mirë.
Nuk është e mjaftueshme të kemi ide të mira, mbi të gjitha duhet vullnet, guxim dhe përkushtim për t’i bërë ato realitet.
Këtë përkushtim e kam dëshmuar çdo ditë të angazhimit tim.
Me respekt, Dardan Berisha..!
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
