Një person rreth 60 vjeç është gjetur pa shenja jete në objektin e shoqatës së shurdhmemecëve në Mitrovicë, kanë thënë për Gazetën Insajderi nga Policia e Kosovës.

Insajderi nga burime të sigurta mëson se personi që dyshohet se u vra është Nysret Gubetini.

Siç njofton Policia, në vendin e ngjarjes ka dalë prokurori.

Mediat kanë raportuar se në trupin e pajetë janë parë shenja të goditjes, por një gjë e tillë nuk është konfirmuar nga autoritetet.