Prokuroria e Shtetit bashkë me Inspektoratin Policor të Kosovës kanë kërkuar t’i caktohet masa e ndalimit zyrtarit policor të dyshuar për veprën penale “Rrezikim i trafikut publik”, pasi aksidentoi një 23-vjeçare në Qyshk të Pejës.

Zëdhënësi i Prokurorisë Themelore të Pejës ka thënë për Insajderin se lidhur me rastin janë ndërmarrë të gjitha veprimet e nevojshme hetimore.

“Prokurori i Shtetit bashkë me Inspektoratin Policor ka dalë në vend të ngjarjes. Lidhur me rastin janë duke u ndërmarrë të gjitha veprimet e nevojshme hetimore. Personi i dyshuar me urdhër të Prokurorit të Shtetit është ndaluar për orë për veprën penale “Rrezikim i trafikut publik””, ka deklaruar Nikçi për Insajderin.

Insajderi merr vesh se zyrtari policor i arrestuar është Argjend Kastrati.

Zëdhënësi i Policisë për rajonin e Pejës, Fadil Gashi, ka njoftuar fillimisht se viktima 23-vjeçare që u aksidentua është dërguar në emergjencën e Spitalit të Pejës, e më pas në Qendrën Klinike Universitare të Kosovës për shkak të gjendjes së rëndë.

“Rreth orës 15:45, policia është njoftuar për një aksident në magjistralen Pejë -Prishtinë në fshatin Qyshk, një veturë ka goditur një këmbësore. Policia ka dal në vendin e ngjarjes dhe e lënduara me udhëzim të mjekut është nisur për në QKUK në Prishtinë. Gjendja e saj është e rëndë”, tha Gashi. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!