Inspektorati Policor i Kosovës i ka rekomanduar sot Policisë së Kosovës suspendimin e një zyrtari policor i cili ishte i angazhuar me detyrë në Pikën e Kalimit Kufitar Vërmicë, në kuadër të Drejtorisë Rajonale të Policisë Kufitare Perëndimi – Gjakovë.

Hetuesit e IPK-së kanë filluar një hetim me dyshimin se i njëjti ka kryer veprën penale të “keqpërdorimit të pozitës apo autoritetit zyrtar” kurse pas konsultave me Prokurorinë e Themelore në Prizren rasti do të trajtohet në procedurë të rregullt.

Sinjali raporton se zyrtari policor i dyshuar për keqpërdorim të pozitës zyrtare në Pikëkalimin Kufitar në Vërmicë është Ylber Kastrati.

Dyshohet se qëllimi i këtij veprimi ka qenë për të kontrolluar nëse qytetari në fjalë figuron në kërkim apo nën ndonjë masë tjetër, në mungesë të ndonjë kërkese zyrtare apo baze ligjore.

Hetuesit e IPK-së paralajmërojnë veprime të mëtejme hetimore për të ndriçuar plotësisht këtë çështje, që ngre shqetësime serioze për abuzim me të dhënat personale dhe shfrytëzim të resurseve shtetërore për interesa të dyshimta.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!