Inspektorati Policor i Kosovës (IPK) ka njoftuar dje për një rast të rëndë që përfshin një zyrtar policor, i cili bashkë me djalin e tij të mitur dyshohet se ka ushtruar dhunë fizike ndaj një të mituri, në fshatin Globoqicë të Kaçanikut.

Sinjali ka mësuar ekskluzivisht se i arrestuari është Dashmir Ceka, punonjës në Stacionin e Policisë Kufitare në Glloboqicë, nën Drejtoria Rajonale e Policisë Kufitare – Lindja.

Sipas IPK-së, Ceka, jashtë orarit të punës dhe detyrës zyrtare, ka qenë i përfshirë në incidentin ku është rrahur një i mitur, të cilit i janë shkaktuar lëndime të lehta trupore.

Pas hetimeve fillestare dhe sigurimit të provave, në bashkëpunim me Prokurorin kujdestar në Ferizaj, është inicuar rasti penal për veprën “Lëndim i lehtë trupor”, ndërsa Ceka është dërguar në mbajtje për 48 orë.

IPK po ashtu ka kërkuar suspendimin e përkohshëm për 72 orë të zyrtarit, për të garantuar integritetin e hetimeve dhe për të ruajtur besimin e publikut në institucionin e Policisë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!