Një shkëmbim i pazakontë videosh në rrjetet sociale ka tërhequr vëmendjen e ndjekësve ditët e fundit, duke rikthyer në qendër të vëmendjes tensionet e nënkuptuara mes Egli Takos dhe familjarëve të Gjestit, me të cilin ajo ka qenë e përfshirë në një raport gjatë Big Brother VIP Albania 4.
Gjithçka nisi kur Egli, në një video ku mban në dorë një lodër “Labubu”, me ironi u drejtohet ndjekësve me pyetjen: “Ju kujton dikë?”
Kjo deklaratë e shkurtër u interpretua gjerësisht si një thumbim i drejtpërdrejtë ndaj Gjestit, duke përforcuar spekulimet për një përçarje të mundshme ose zënkë mes tyre.
Por nuk vonoi as përgjigjja.
Blerina, motra e Gjestit, publikoi më pas një video ku mban në dorë një lodër në formën e një gomari dhe e shoqëron me: “Çka është kjo?”, duke shtuar më tej: “Sa njeriu është si ky” – një fjali që u mor gjerësisht si një përgjigje e koduar, ndoshta ironike ndaj videos së Eglit.
Këto postime, ndonëse pa emra të drejtpërdrejtë, kanë ndezur menjëherë komentet dhe analizat në rrjet, ku fansat e të dyja palëve kanë filluar të zbërthejnë secilin detaj si pjesë e një ‘lufte të heshtur’ virtuale.
Në mungesë të një reagimi zyrtar nga vetë protagonistët, rrjeti vazhdon të lexojë mes rreshtash, ku edhe lodrat janë kthyer në mjete për të shprehur emocionet dhe thumba të fshehta.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
