Superylli i muzikës pop, Lady Gaga, ka folur për rëndësinë e mbrojtjes së personave transgjinorë nga ligjet diskriminuese, si ato që ish-presidenti i SHBA-së, Donald Trump, është përpjekur të miratojë.

Gaga, e cila është një nga mbështetëset më të zëshme të komunitetit LGBTQ+, ka shpjeguar arsyen pse vendosi të flasë në mbrojtje të personave trans gjatë ceremonisë së ‘Grammy Awards’ muajin e kaluar.

Gjatë fjalimit të saj të pranimit të çmimit “Best Pop Duo/Group Performance”, që ajo e fitoi për bashkëpunimin me Bruno Mars në këngën “Die With A Smile”, këngëtarja theksoi se personat trans “nuk janë të padukshëm” dhe se ata “meritojnë dashuri”.

Në një intervistë të re me Zane Lowe për Apple Music, Gaga deklaroi se sfidat me të cilat përballet komuniteti trans janë “jashtëzakonisht të padrejta” dhe se ata duhet të mbrohen nga ligje të tilla diskriminuese.

“Ajo që do të thoja, para së gjithash, është se sfidat me të cilat përballen personat trans në këtë botë janë krejtësisht të padrejta, të gabuara, dhe ata përjetojnë dhunë në baza ditore”, u shpreh ajo, duke shtuar: “Mendoj se të gjithë duhet të mbështesim komunitetin trans dhe njëri-tjetrin, duke e ditur se ata meritojnë përkrahje, dashuri, mbrojtje dhe ngritje morale”.

Lady Gaga theksoi se çdo komunitet i shtypur përballet me sfida të ndryshme, por se është e rëndësishme të dëgjojmë dhe të kuptojmë historitë individuale të njerëzve.

“Ajo që unë përjetoj në jetën time është shumë ndryshe nga ajo që përjetojnë personat trans. Çdo komunitet i shtypur ka një përvojë të veçantë, dhe më pas vijnë individët, secili me përvojën e tij unike,” tha ajo.

Ajo shtoi se një nga mësimet më të mëdha që ka marrë është të marrë kohë për të kuptuar historitë dhe sfondin e njerëzve, gjë që e ka bërë atë një aleate më të mirë për komunitetin transgjinor.

Ndërkohë, Gaga ka publikuar sot albumin e saj të shtatë në studio, “Mayhem”, që vjen pas “Chromatica” (2020) dhe albumit të saj të fundit, “Harlequin”, i cili ishte i lidhur me filmin Joker: Folie à Deux.

Muajin e ardhshëm, ylli i popit do të jetë kryesuese e festivalit Coachella dhe do të mbajë një koncert falas në plazhin Copacabana në Rio de Janeiro gjatë muajit maj. /Telegrafi

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman