Barcelona barazoi me rezultat 3-3 ndaj Interit në ndeshjen e parë gjysmëfinale të Ligës së Kampionëve, dhe mëngjesin pas ndeshjes në Montjuic, mbërritën lajmet për dëmtimin e Jules Kounde.

Mbrojtësi francez ishte lojtari më standard i katalunasve këtë sezon, dhe në fund të pjesës së parë ai u largua nga loja për shkak të një dëmtimi dhe ia la vendin e tij në ekip Eric Garcias.

Është vërtetuar se Kounde ka këputur një tendin dhe se do të mungojë për një kohë të gjatë, si pasojë e së cilës do të humbasë ndeshjen e kthimit kundër Interit si dhe duelin me Real Madridin më 11 maj.

“Nuk ndihem aspak mirë”, u tha Kounde gazetarëve të mbledhur ndërsa kalonte nëpër zonën ‘mix’.

“Nuk është e lehtë kur luan çdo tre ditë. Nuk mund të stërvitesh dhe nuk mund të pushosh. E sheh që edhe Kounde u lëndua, ky është rezultat i të luajturit çdo tre ditë”, tha trajneri i Barcelonës, Hansi Flick, pas ndeshjes.

Kujtojmë që katalunasit më parë ishin pa Marco Casado, Alejandro Balde dhe Robert Lewandowski për shkak të lëndimeve.

Ndeshja e kthimit midis Interit dhe Barcelonës është planifikuar të zhvillohet të martën, më 6 maj, në stadiumin Giuseppe Meazza.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!