Kryeministri i Kosovës, Albin Kurti, ka deklaruar se përgjatë takimit të hershëm me emisarin e BE-së për dialogun Kosovë-Serbi, Miroslav Lajçak, në objektin e Qeverisë, e shprehu nevojën që BE-ja ta mbajë përgjegjëse Serbinë për shkelje të Marrëveshjes së Ohrit.

Kurti këtë e ka deklaruar në ‘Twitter’ pasi që u takua me Lajçak, shkruan Gazeta Insajderi.

“E mirëprita Përfaqësuesin e Posaçëm të BE-së, Miroslav Lajçak, në objektin e Qeverisë sot. E theksova nevojën për implementimin e Marrëveshjes Bazë në tërësi dhe nevojën e mbajtjes përgjegjëse të Serbisë nga ana e BE-së për shkelje të vazhdueshme të saj”, deklaroi Kurti.

Kurti u takua në mëngjes me Lajçak. Ky i fundit tha se pritet ose përmirësim ose përshkallëzim marrëdhëniesh. /Gazeta Insajderi/